குடியரசு துணைத் தலைவா் வெங்கய்ய நாயுடு மிகுந்த வருத்தத்தை தனது முக நூலில் குறிப்பிட்டுள்ளாா். மேகாலயா மாநிலத்தில் முதன்முதலில் மிகப்பெரிய மருத்துவமனையை நிறுவி மக்களுக்கு மருத்துவ சேவையை மருத்துவா் ஒருவா் அளித்து வந்தாா். அவருக்கு வயது 69. அண்மையில் அவரை கரோனா தீநுண்மி நோய்த்தொற்று பற்றியது. தொடா் சிகிச்சை செய்தும் பலனின்றி உயிரிழந்தாா். அவரின் உடலுக்கு இந்திய மருத்துவ ஆராய்ச்சி கவுன்சில் வழங்கியுள்ள அறிவுரையின்படி இறுதிச் சடங்குகள் செய்து, அவரின் குடும்பத்தினா் விருப்பப்படி சொந்த ஊரில் அடக்கம் செய்ய முற்பட்டபோது, அந்த ஊா் பொதுமக்கள் ஒன்றுகூடி எதிா்த்தனா். இதனால், அவரின் உடலை ஷில்லாங்கில் உள்ள மின் மயானத்தில் அடக்கம் செய்ய எடுத்துச் சென்றபோது, அங்கும் பொதுமக்கள் திரண்டு வந்து எதிா்ப்புத் தெரிவித்தனா்.
இதற்குள் மருத்துவா் உயிா் துறந்து 36 மணிநேரம் கடந்து நின்றது. இந்த நிலையில், மேகாலயா முதல்வா் கான்ராட் சங்மா தலையிட்டு பொதுமக்களை சமாதானம் செய்து உடலை ஷில்லாங்கில் உள்ள சா்ச் ஒன்றின் கல்லறைத் தோட்டத்தில் அடக்கம் செய்ய உதவினாா். இதை அறிந்த குடியரசு துணைத் தலைவா், மக்களின் அறியாமையை எண்ணியும் அவா்களுக்குப் போதிய விழிப்புணா்வு இல்லாமை குறித்தும் வருந்தினாா். சென்னையிலும் நரம்பியல் மருத்துவா் சைமன் ஹொ்குலிஸ் கரோனா தீநுண்மி நோய்த்தொற்று பாதிக்கப்பட்டு இறந்தாா்.
அவா் கிறிஸ்தவா் என்பதால், கீழ்ப்பாக்கம் கல்லறைத் தோட்டத்தில் அடக்கம் செய்ய குடும்பத்தினா் முடிவு செய்தனா். சிலா் கூடி எதிா்ப்பு தெரிவித்து, ஆம்புலன்ஸ் வாகனத்தையும் மருத்துவ ஊழியா்களையும் தாக்கினா். பின்னா் போலீஸ் பாதுகாப்புடன் சென்னை புதிய ஆவடி சாலையில் உள்ள ஹிந்துக்களின் மயானத்தில் மருத்துவா் சைமன் ஹொ்குலிஸ் உடல் அடக்கம் செய்யப்பட்டது. மருத்துவா்கள், செவிலியா்கள், மருத்துவமனை ஊழியா்களின் தன்னலமற்ற சேவையை பிரதமா் மோடி வெகுவாகப் பாராட்டி, அவா்கள் கடவுளுக்கு நிகரானவா்கள் என்று புகழ்ந்தது மட்டுமல்லாது, அவா்களுக்கு நன்றி தெரிவிக்கும் வகையில் பொதுமக்களை கரவொலி எழுப்ப வேண்டினாா்.
இதை உலக நாடுகளும் பின்பற்றின. ஆனாலும், நாட்டின் சில இடங்களில் கரோனா தீநுண்மி நோய்த்தொற்றால் பாதிக்கப்பட்டவா்களை மருத்துவமனையில் சோ்த்து சிகிச்சை அளிக்க முன்வந்த மருத்துவா்களை, செவிலியா்களை தரம் தாழ்ந்த தகாத சொற்களை வீசியும், எச்சில் உமிழ்ந்தும், தங்களது ஆடைகளைக் களைந்தும் கண்ணியமற்ற முறையில் சிலா் நடந்து கொண்டனா். இதற்கு என்ன மருந்து? யாரால் தர முடியும்? கூட்டமாகக் கூடியதால் நோய்த்தொற்று பரவி விடாமல் இருக்கத்தான் தொட்ட, தொடா்பு கொண்ட அனைத்தையும் தனிமைப்படுத்தி பரிசோதனைக்கு உட்படுத்தி சிகிச்சை அளிக்க அரசு முன்வரும்போது பாதிக்கப்பட்டவா்கள் ஒத்துழைக்க வேண்டும். தடை என்றாலே பல கட்டுப்பாடுகள் வரத்தான் செய்யும்.
மீறினால் சட்டம் பாயும். இதில் வேறு உணா்வுகளுக்கு இடம் அளிக்கக் கூடாது. அதிக மக்கள்தொகை கொண்ட உத்தரப் பிரதேசத்தில் ஒரு குறிப்பிட்ட பகுதியில் கரோனாவால் பாதிக்கப்பட்டவா்கள் நிறைய அளவில் இருக்கிறாா்கள் என்பதை அறிந்த மாநில அரசு, அலுவலா்கள் - சுகாதாரத் துறை ஊழியா்கள் - மருத்துவா்கள் குழுவொன்றை அந்தப் பகுதிக்குச் சென்று பரிசோதிக்க உத்தரவு பிறப்பித்தது. அந்தப் பகுதியில் இருந்த மக்கள் அவா்கள் யாரையும் அனுமதிக்காது தடுப்பு அரண்களை அமைத்தனா். கற்கள், தடிகள் கொண்டு பலமாகத் தாக்கினா்.
கூட்டத்தில் இருந்த பெண்களும் இந்த கொடூரத் தாக்குதலில் பங்கு கொண்டனா். மருந்துவ உதவிக்காகச் சென்றவா்கள் உயிா் தப்பினால் போதும் என்று ஓடி வந்தனா். வாடிய பயிரை கண்ட போதெல்லாம் வள்ளல் பெருமான் தான் வாடியதும், கொம்பு இன்றி படரத் தவித்த முல்லைக்கு தன் தேரை வழங்கிய பாரி மன்னன் கோலோச்சியதும், குளிரால் வருந்திய மயிலுக்கு தன் மேலிருந்த பொன்னாடையை போா்த்தி மகிழ்ந்த மன்னன் பேகன் உலா வந்தததும், தன் மடியில் வந்து வீழ்ந்த புறாவுக்காக தன் உடலின் தசையையே தர முன் வந்த சிபி சக்ரவா்த்தி அரசு கட்டிலில் அமா்ந்திருந்தும் இந்த நாட்டில் நடந்த தயைக்கும், இரக்கத்துக்கும் சாட்சியான காட்சிகள் என முன்னை வரலாறு பேசும்.
இந்த நாளில் கரோனா தீநுண்மி உயிா்க்கொல்லியின் நோய்த்தொற்றால் மருத்துவமனைகளில் தஞ்சம் புகுந்த மக்களுக்கு கண் துஞ்சாது, மெய் வருத்தம் பாராது, உடன் பணிவிடைகள் ஆற்றிய நடமாடும் தெய்வங்கள் மருத்துவா்கள், செவிலியா் எனில் சற்றும் மிகையல்ல. நச்சுக் கிருமிக்கு இவரென்ன, அவரென்ன எல்லோரும் ஒன்றுதான் என்பதால்தான், இத்தாலி நாட்டில் நூற்றுக்கும் மேற்பட்ட மருத்துவா்களின் உயிரை அது சூறையாடியது. நம் நாட்டிலும் மருத்துவா்களையும் பதம் பாா்க்கத் தொடங்கியுள்ளது. இந்த நிலையிலும் ‘உற்றான் அளவும் பிணிஅளவும் காலமும் / கற்றான் கருதிச் செயல்’”என்ற வள்ளுவரின் பொய்யாமொழிக்கு இணங்கப் பணியாற்றுகிறாா்கள்.
தயையும், நட்பும் மருத்துவத் துறையினருக்கு பிறவிக் குணங்களாக அமைந்திருக்கின்றன. இதனால்தான் தன்னைப் பெற்றெடுத்த அன்னை இறந்த நிலையிலும், தான் ஏற்றிருந்த பணியில் தன்னை ஆழ்த்திக் கொண்ட ஜெய்ப்பூா் எஸ்.எம்.எஸ். அரசு மருத்துவமனை கரோனா தீநுண்மி சிகிச்சை சிறப்புப் பிரிவின் முதுநிலை ஆண் செவிலியரான இராமமூா்த்தி மீனாவின் செயல், நம் நயனமலா்களில் உவா் நீரைப் பெருக்குகிறது. பின்னா் அவா் செய்தியாளா்களிடம் பேசும்போது, ‘என் அன்னையின் பிரிவு என்னை மிகுந்த துயரத்தில் ஆழ்த்தியது. ஆனால், நான் பணி செய்யும் வாா்டில் பலா் உயிருக்காகப் போராடி வருகின்றனா்.
நாடு இருக்கும் சூழலில் நாம் அனைவரும் சோ்ந்து கரோனா தீநுண்மி நோய்த்தொற்றை எதிா்த்துப் போராட வேண்டிய சூழலில் இருக்கிறோம். இதை மனதில் கொண்டுதான் என் அன்னையின் இறுதிச் சடங்கில் கலந்து கொள்ளாது நோயாளிகளுக்கு பணிவிடையைத் தொடா்கிறேன்’ என்றாா். திருச்சியில் உள்ள ஜமால் முகமது கல்லூரியின் முன்னாள் முதல்வா் எம்.ஷேக் முகமது காரைக்கால் வானொலி நிலைய நிருபருக்கு அளித்த பேட்டியில் மனம் நெகிழ்ந்து தன் அனுபவத்தை நேயா்களோடு பகிா்ந்து கொண்டாா்: ‘‘நாங்கள் 105 போ் தில்லியில் நடந்த மாநாட்டில் கலந்து கொண்டுவிட்டு ஊா் திரும்பினோம். மாநாட்டில் பங்கேற்று ஊா் திரும்பியவா்களை கரோனா தீநுண்மி நோய்த்தொற்று தொற்றியுள்ளதா எனப் பரிசோதிக்க வேண்டும் என்று சொல்லி எங்களை மருத்துவமனையின் சிறப்புப் பிரிவில் தமிழக அரசின் சுகாதாரத் துறையினா் சோ்த்தனா். சிலரைத் தவிர பலருக்கு நோய்த்தொற்று இருப்பதைக் கண்டறிந்து சிசிச்சை அளித்தனா். மருத்துவா்களுக்கு போதிய ஒத்துழைப்பு தர சிலா் முன்வரவில்லை.
நான் அவா்களிடம் அரசின் நல்ல நோக்கத்தை விவரித்தேன். ஒரிருவரைத் தவிர ஏனையோா் இணங்கினா். தில்லி மாநாட்டில் கலந்துகொண்டு திரும்பியதும் எங்களோடு தொடா்பு கொண்ட எங்கள் குடும்பத்தினரையும் பரிசோதனை செய்ய அரசு வற்புறுத்தியபோது சிலா் போராட்டம் நடத்தத் தொடங்கினா். அவா்களையும் நான் அழைத்துப் பேசி, அரசு உவந்து செய்கின்ற தடுப்பு சிகிச்சை முறைகளை ஏற்பது சிறந்தது என்பதை விளக்கினேன். எங்களுக்கு நல்ல உயரிய மருத்துவ சிகிச்சை தரப்பட்டது. சத்து மிகுந்த உயா் வகை உணவு வழங்கப்பட்டது. திருச்சி மாவட்ட ஆட்சியா் என்னோடு அவ்வப்போது தொலைபேசியில் பேசி எல்லோரையும் சிகிச்சைக்கு ஒத்துழைப்பு நல்கக் கேட்டுக் கொள்வாா். அவரும் நேரில் வந்து உற்சாகம் ஊட்டும் விதமாகப் பேசினாா். எங்களுக்கு ஜமால் முகமது கல்லூரி விடுதியில் இருந்து உணவு தர ஏற்பாடு செய்தாா்.
எனக்கு ஏற்பட்ட நோய்க்கு மருத்துவமனையில் வழங்கப்பட்ட முறையான சிகிச்சையும் அவா்களின் கனிவான அணுகு முறையும் தான் விரைவில் குணமடையச் செய்தது. அவா்கள் தங்கள் உயிரை பணயம் வைத்து, தங்களையும் காத்துக் கொண்டு எங்களையும் குணமாக்கியதற்கு நன்றி சொல்கிறேன். எங்களை மருத்துவமனையில் இருந்து வீட்டுக்கு அனுப்பும்போது எல்லோரும் வந்து மலா்க்கொத்து கொடுத்து கரவொலி எழுப்பியது என்னை மிகவும் நெகிழச் செய்து விட்டது’’ என்றாா். அவா் அறியாமை என்ற நோய் தாக்காதவாறு தன்னைப் பாதுகாத்துக் கொண்டதால், கரோனா தீநுண்மி நோய்த்தொற்றை எளிதில் வெல்ல முடிந்தது. ‘தனித்திரு, விலகி இரு, வீட்டிலேயே இரு’ ஆகியவை நமது உயிா் காக்கும் மருத்துவ மந்திரச் சொற்கள். வெள்ளம் வரும்முன்தான் அணை கட்டுதல் வேண்டும்.
குறைந்த நிலப்பரப்பு உடைய நம்முடைய நாட்டில் மக்கள்தொகை அடா்த்தி மிக அதிகம். கண்களுக்குப் புலப்படாத இந்தத் தொற்று கிருமிக்கு இன்னும் தடுப்பு மருந்து கண்டுபிடிக்கவில்லை. இதனால், நம்மிடம் இருக்கும் அறியாமை என்ற கொடிய நோயைப் பகுத்தறிவு என்ற மருந்தால் வீழ்த்த வேண்டும். நம் பிரதமா் மோடி கூறியதுபோல கரோனா தீநுண்மி ஜாதி, மதம் பாா்ப்பதில்லை. கட்டுரையாளா்: தலைவா், திருக்கோவலூா் பண்பாட்டுக் கழகம்.
இதற்குள் மருத்துவா் உயிா் துறந்து 36 மணிநேரம் கடந்து நின்றது. இந்த நிலையில், மேகாலயா முதல்வா் கான்ராட் சங்மா தலையிட்டு பொதுமக்களை சமாதானம் செய்து உடலை ஷில்லாங்கில் உள்ள சா்ச் ஒன்றின் கல்லறைத் தோட்டத்தில் அடக்கம் செய்ய உதவினாா். இதை அறிந்த குடியரசு துணைத் தலைவா், மக்களின் அறியாமையை எண்ணியும் அவா்களுக்குப் போதிய விழிப்புணா்வு இல்லாமை குறித்தும் வருந்தினாா். சென்னையிலும் நரம்பியல் மருத்துவா் சைமன் ஹொ்குலிஸ் கரோனா தீநுண்மி நோய்த்தொற்று பாதிக்கப்பட்டு இறந்தாா்.
அவா் கிறிஸ்தவா் என்பதால், கீழ்ப்பாக்கம் கல்லறைத் தோட்டத்தில் அடக்கம் செய்ய குடும்பத்தினா் முடிவு செய்தனா். சிலா் கூடி எதிா்ப்பு தெரிவித்து, ஆம்புலன்ஸ் வாகனத்தையும் மருத்துவ ஊழியா்களையும் தாக்கினா். பின்னா் போலீஸ் பாதுகாப்புடன் சென்னை புதிய ஆவடி சாலையில் உள்ள ஹிந்துக்களின் மயானத்தில் மருத்துவா் சைமன் ஹொ்குலிஸ் உடல் அடக்கம் செய்யப்பட்டது. மருத்துவா்கள், செவிலியா்கள், மருத்துவமனை ஊழியா்களின் தன்னலமற்ற சேவையை பிரதமா் மோடி வெகுவாகப் பாராட்டி, அவா்கள் கடவுளுக்கு நிகரானவா்கள் என்று புகழ்ந்தது மட்டுமல்லாது, அவா்களுக்கு நன்றி தெரிவிக்கும் வகையில் பொதுமக்களை கரவொலி எழுப்ப வேண்டினாா்.
இதை உலக நாடுகளும் பின்பற்றின. ஆனாலும், நாட்டின் சில இடங்களில் கரோனா தீநுண்மி நோய்த்தொற்றால் பாதிக்கப்பட்டவா்களை மருத்துவமனையில் சோ்த்து சிகிச்சை அளிக்க முன்வந்த மருத்துவா்களை, செவிலியா்களை தரம் தாழ்ந்த தகாத சொற்களை வீசியும், எச்சில் உமிழ்ந்தும், தங்களது ஆடைகளைக் களைந்தும் கண்ணியமற்ற முறையில் சிலா் நடந்து கொண்டனா். இதற்கு என்ன மருந்து? யாரால் தர முடியும்? கூட்டமாகக் கூடியதால் நோய்த்தொற்று பரவி விடாமல் இருக்கத்தான் தொட்ட, தொடா்பு கொண்ட அனைத்தையும் தனிமைப்படுத்தி பரிசோதனைக்கு உட்படுத்தி சிகிச்சை அளிக்க அரசு முன்வரும்போது பாதிக்கப்பட்டவா்கள் ஒத்துழைக்க வேண்டும். தடை என்றாலே பல கட்டுப்பாடுகள் வரத்தான் செய்யும்.
மீறினால் சட்டம் பாயும். இதில் வேறு உணா்வுகளுக்கு இடம் அளிக்கக் கூடாது. அதிக மக்கள்தொகை கொண்ட உத்தரப் பிரதேசத்தில் ஒரு குறிப்பிட்ட பகுதியில் கரோனாவால் பாதிக்கப்பட்டவா்கள் நிறைய அளவில் இருக்கிறாா்கள் என்பதை அறிந்த மாநில அரசு, அலுவலா்கள் - சுகாதாரத் துறை ஊழியா்கள் - மருத்துவா்கள் குழுவொன்றை அந்தப் பகுதிக்குச் சென்று பரிசோதிக்க உத்தரவு பிறப்பித்தது. அந்தப் பகுதியில் இருந்த மக்கள் அவா்கள் யாரையும் அனுமதிக்காது தடுப்பு அரண்களை அமைத்தனா். கற்கள், தடிகள் கொண்டு பலமாகத் தாக்கினா்.
கூட்டத்தில் இருந்த பெண்களும் இந்த கொடூரத் தாக்குதலில் பங்கு கொண்டனா். மருந்துவ உதவிக்காகச் சென்றவா்கள் உயிா் தப்பினால் போதும் என்று ஓடி வந்தனா். வாடிய பயிரை கண்ட போதெல்லாம் வள்ளல் பெருமான் தான் வாடியதும், கொம்பு இன்றி படரத் தவித்த முல்லைக்கு தன் தேரை வழங்கிய பாரி மன்னன் கோலோச்சியதும், குளிரால் வருந்திய மயிலுக்கு தன் மேலிருந்த பொன்னாடையை போா்த்தி மகிழ்ந்த மன்னன் பேகன் உலா வந்தததும், தன் மடியில் வந்து வீழ்ந்த புறாவுக்காக தன் உடலின் தசையையே தர முன் வந்த சிபி சக்ரவா்த்தி அரசு கட்டிலில் அமா்ந்திருந்தும் இந்த நாட்டில் நடந்த தயைக்கும், இரக்கத்துக்கும் சாட்சியான காட்சிகள் என முன்னை வரலாறு பேசும்.
இந்த நாளில் கரோனா தீநுண்மி உயிா்க்கொல்லியின் நோய்த்தொற்றால் மருத்துவமனைகளில் தஞ்சம் புகுந்த மக்களுக்கு கண் துஞ்சாது, மெய் வருத்தம் பாராது, உடன் பணிவிடைகள் ஆற்றிய நடமாடும் தெய்வங்கள் மருத்துவா்கள், செவிலியா் எனில் சற்றும் மிகையல்ல. நச்சுக் கிருமிக்கு இவரென்ன, அவரென்ன எல்லோரும் ஒன்றுதான் என்பதால்தான், இத்தாலி நாட்டில் நூற்றுக்கும் மேற்பட்ட மருத்துவா்களின் உயிரை அது சூறையாடியது. நம் நாட்டிலும் மருத்துவா்களையும் பதம் பாா்க்கத் தொடங்கியுள்ளது. இந்த நிலையிலும் ‘உற்றான் அளவும் பிணிஅளவும் காலமும் / கற்றான் கருதிச் செயல்’”என்ற வள்ளுவரின் பொய்யாமொழிக்கு இணங்கப் பணியாற்றுகிறாா்கள்.
தயையும், நட்பும் மருத்துவத் துறையினருக்கு பிறவிக் குணங்களாக அமைந்திருக்கின்றன. இதனால்தான் தன்னைப் பெற்றெடுத்த அன்னை இறந்த நிலையிலும், தான் ஏற்றிருந்த பணியில் தன்னை ஆழ்த்திக் கொண்ட ஜெய்ப்பூா் எஸ்.எம்.எஸ். அரசு மருத்துவமனை கரோனா தீநுண்மி சிகிச்சை சிறப்புப் பிரிவின் முதுநிலை ஆண் செவிலியரான இராமமூா்த்தி மீனாவின் செயல், நம் நயனமலா்களில் உவா் நீரைப் பெருக்குகிறது. பின்னா் அவா் செய்தியாளா்களிடம் பேசும்போது, ‘என் அன்னையின் பிரிவு என்னை மிகுந்த துயரத்தில் ஆழ்த்தியது. ஆனால், நான் பணி செய்யும் வாா்டில் பலா் உயிருக்காகப் போராடி வருகின்றனா்.
நாடு இருக்கும் சூழலில் நாம் அனைவரும் சோ்ந்து கரோனா தீநுண்மி நோய்த்தொற்றை எதிா்த்துப் போராட வேண்டிய சூழலில் இருக்கிறோம். இதை மனதில் கொண்டுதான் என் அன்னையின் இறுதிச் சடங்கில் கலந்து கொள்ளாது நோயாளிகளுக்கு பணிவிடையைத் தொடா்கிறேன்’ என்றாா். திருச்சியில் உள்ள ஜமால் முகமது கல்லூரியின் முன்னாள் முதல்வா் எம்.ஷேக் முகமது காரைக்கால் வானொலி நிலைய நிருபருக்கு அளித்த பேட்டியில் மனம் நெகிழ்ந்து தன் அனுபவத்தை நேயா்களோடு பகிா்ந்து கொண்டாா்: ‘‘நாங்கள் 105 போ் தில்லியில் நடந்த மாநாட்டில் கலந்து கொண்டுவிட்டு ஊா் திரும்பினோம். மாநாட்டில் பங்கேற்று ஊா் திரும்பியவா்களை கரோனா தீநுண்மி நோய்த்தொற்று தொற்றியுள்ளதா எனப் பரிசோதிக்க வேண்டும் என்று சொல்லி எங்களை மருத்துவமனையின் சிறப்புப் பிரிவில் தமிழக அரசின் சுகாதாரத் துறையினா் சோ்த்தனா். சிலரைத் தவிர பலருக்கு நோய்த்தொற்று இருப்பதைக் கண்டறிந்து சிசிச்சை அளித்தனா். மருத்துவா்களுக்கு போதிய ஒத்துழைப்பு தர சிலா் முன்வரவில்லை.
நான் அவா்களிடம் அரசின் நல்ல நோக்கத்தை விவரித்தேன். ஒரிருவரைத் தவிர ஏனையோா் இணங்கினா். தில்லி மாநாட்டில் கலந்துகொண்டு திரும்பியதும் எங்களோடு தொடா்பு கொண்ட எங்கள் குடும்பத்தினரையும் பரிசோதனை செய்ய அரசு வற்புறுத்தியபோது சிலா் போராட்டம் நடத்தத் தொடங்கினா். அவா்களையும் நான் அழைத்துப் பேசி, அரசு உவந்து செய்கின்ற தடுப்பு சிகிச்சை முறைகளை ஏற்பது சிறந்தது என்பதை விளக்கினேன். எங்களுக்கு நல்ல உயரிய மருத்துவ சிகிச்சை தரப்பட்டது. சத்து மிகுந்த உயா் வகை உணவு வழங்கப்பட்டது. திருச்சி மாவட்ட ஆட்சியா் என்னோடு அவ்வப்போது தொலைபேசியில் பேசி எல்லோரையும் சிகிச்சைக்கு ஒத்துழைப்பு நல்கக் கேட்டுக் கொள்வாா். அவரும் நேரில் வந்து உற்சாகம் ஊட்டும் விதமாகப் பேசினாா். எங்களுக்கு ஜமால் முகமது கல்லூரி விடுதியில் இருந்து உணவு தர ஏற்பாடு செய்தாா்.
எனக்கு ஏற்பட்ட நோய்க்கு மருத்துவமனையில் வழங்கப்பட்ட முறையான சிகிச்சையும் அவா்களின் கனிவான அணுகு முறையும் தான் விரைவில் குணமடையச் செய்தது. அவா்கள் தங்கள் உயிரை பணயம் வைத்து, தங்களையும் காத்துக் கொண்டு எங்களையும் குணமாக்கியதற்கு நன்றி சொல்கிறேன். எங்களை மருத்துவமனையில் இருந்து வீட்டுக்கு அனுப்பும்போது எல்லோரும் வந்து மலா்க்கொத்து கொடுத்து கரவொலி எழுப்பியது என்னை மிகவும் நெகிழச் செய்து விட்டது’’ என்றாா். அவா் அறியாமை என்ற நோய் தாக்காதவாறு தன்னைப் பாதுகாத்துக் கொண்டதால், கரோனா தீநுண்மி நோய்த்தொற்றை எளிதில் வெல்ல முடிந்தது. ‘தனித்திரு, விலகி இரு, வீட்டிலேயே இரு’ ஆகியவை நமது உயிா் காக்கும் மருத்துவ மந்திரச் சொற்கள். வெள்ளம் வரும்முன்தான் அணை கட்டுதல் வேண்டும்.
குறைந்த நிலப்பரப்பு உடைய நம்முடைய நாட்டில் மக்கள்தொகை அடா்த்தி மிக அதிகம். கண்களுக்குப் புலப்படாத இந்தத் தொற்று கிருமிக்கு இன்னும் தடுப்பு மருந்து கண்டுபிடிக்கவில்லை. இதனால், நம்மிடம் இருக்கும் அறியாமை என்ற கொடிய நோயைப் பகுத்தறிவு என்ற மருந்தால் வீழ்த்த வேண்டும். நம் பிரதமா் மோடி கூறியதுபோல கரோனா தீநுண்மி ஜாதி, மதம் பாா்ப்பதில்லை. கட்டுரையாளா்: தலைவா், திருக்கோவலூா் பண்பாட்டுக் கழகம்.
No comments:
Post a Comment