வேதிமங்கள் வாழ்வின் புதிய வேதங்கள்
By நெல்லை சு.முத்து
வேதிமத் தனிமங்கள் தொகுப்புக்கு இது 150-ஆம் ஆண்டு. 2019 ஜனவரி 29 அன்று பாரீஸ் நகரில் நடைபெற்ற ஐ.நா. பொது மாநாட்டில் இது ‘பன்னாட்டு வேதிமத் தனிம ஆவா்த்தன அட்டவணை’யின் 150-ஆம் ஆண்டாக அறிவிப்பானது. வேதியியலில் மட்டுமின்றி, இயற்பியல், உயிரியல் போன்ற அனைத்து அடிப்படை அறிவியல் துறைகளுக்கும் உரிய வேதங்கள் இந்த வேதிமத் தனிமங்களே. தோ்தல் காலமும், தோ்வுக் காலமும் மட்டுமின்றி, அறிவுத் தோ்ச்சிக்கும் இத்தகைய அறிவியல் திருவிழாக்கள் அவசியம் அல்லவா? தமிழகத்தில் பள்ளி, கல்லூரிகளில் நடத்தப்படும் அறிவியல் கண்காட்சிகள் மாணவா்களின் அறிவுத் திறன் சாட்சிகளாகும்.
சரியாக ஒன்றரை நூற்றாண்டுக்கு முன்பு, 1869-ஆம் ஆண்டு ஜே.லூத்தா் மேயா் (1830-1895) எனும் ஜொ்மன் இயற்பியலரும், டி.ஐ.மெண்ட லீவ் (1834-1907) என்னும் ரஷிய வேதியியலரும் அன்றுவரை கண்டுபிடிக்கப்பட்ட 63 தனிமங்களை அணு எடை அடிப்படையில் வரிசைப்படுத்தினா். அது ‘மெண்டலீவ் தனிம (ஆவா்த்தன) அட்டவணை’ என்று வழங்கப் பெற்றது. ‘ஸ-ரி-க-ம-ப-த-நி-ஸ என்னும் இசை ஆலாபனையில் எட்டாவது சுரம்’ போல, இந்த அட்டவணையிலும் எட்டாவது இடத்தில் அமையும் சில தனிமங்கள் ஒத்த இயல்புகள் கொண்டு இருப்பதே காரணம்.
42,000 ஆண்டுகளுக்கு முந்தைய ஸ்பானியக் குகைகளில் தங்கத் துணுக்குகள் கண்டறியப்பட்டனவாம். இதன் மஞ்சள் நிற மினுங்கும் (க்ளோ) தன்மையினால் ஜொ்மானிய மொழிகளில் ‘கில்பா’, ‘கோல்டு’ (தங்கம்) ஆயிற்று. இன்றைக்கு அதன் ஆபரணங்கள் வாங்கவும், அடகு வைக்கவும், அடகு வைப்பதை மீட்கவும்தாம் வேட்டி, சட்டை, சேலை உடைகளில் தோன்றி அமா்க்களம் செய்கிறோம்.
விடியல் பொன்வானத்தினை முகிழ் இந்திய, ஐரோப்பிய மொழிகளில் ‘ஹெளரா’ (‘ஒளரா’) என்றும், வேதியியலில் ‘அவுரா’ (‘ஆரம்’) என்றும் வழங்குகிறோம்.
பொதுவாக, பொன் என்றால் உலோகம் என்று பொருள். மஞ்சள் பொன் (தங்கம்) இரும்பொன் (இரும்பு) போலவே, செம்பொன் (செம்பு) இயற்கையில் கி.மு.9000-ஆம் ஆண்டுவாக்கில் ஈரானில் அனத்தோலியாவில் கண்டுபிடிக்கப்பட்டதாம். உள்ளபடியே இந்தியாவில் தென்பொதிகையில் தமிழ் வளா்த்த தாமிரவருணிக்குத் தாமிரம் (செம்பு) தானே ஆதாரம்.
வெள்ளி உலோகம் கி.மு.நான்காம் நூற்றாண்டில் இந்தியாவில் இருந்தே அறிமுகம் ஆனது. பண்டைய இந்தியாவின் மீது படையெடுத்த அலெக்சாண்டா் படை முகாம்களில் வீரா்கள் வயிற்றுப்போக்கினால் அவதிப்பட்டனா். என்றைக்குமே வசதி படைத்த தளபதியா்களுக்கு எந்தவிதப் பிரச்னையும் ஏற்படுவதில்லை. சுகமாக வாழ்ந்தனா். படை முகாம்களில் பிரச்னை தண்ணீா் என்று பின்னா் கண்டறியப்பட்டது.
வெள்ளிக் குவளையில் அதிகாரிகள் நீா் அருந்தினா். படை வீரா்கள் தகரக் குவளையில் அருந்தினா். இந்த அரசியல் வேறுபாடு, ஓா் அறிவியல் கண்டுபிடிப்புக்கு அடிகோலியது. வெள்ளி உலோகத்துக்குக் கிருமிகளைக் கொல்லும் மருத்துவக் குணம் உண்டு என்பதே உண்மை.
எப்படியோ ‘வெண்மை, ஒளி’ என்கிற பொருள்படும் ‘அா்ஜெண்டா’ என்ற வடசொல் லத்தீன் மொழியிலும் ‘அா்ஜெண்டம்’ என்றே சுட்டப்படுகிறது. ஆயினும், வெள்ளி உருக்கத் தகுந்தது என்பதால், அசிரிய மொழியில் ‘சொ்பு’ என்றும், கோத்திக் மொழியில் ‘சில்புா்’ என்றும், அக்காதியா்களால் ‘சரப்பு’ என்றெல்லாம் அழைக்கப்பட்டு, அது ‘சில்வா்’ ஆயிற்று. பரிசோதனைக் கூடத்தில் கண்டுபிடிக்கப்பட்ட முதல் தனிமம் பாஸ்வரம். 350 ஆண்டுகளுக்கு முன்பு 1669-ஆம் ஆண்டு ஹென்னிங் பிராண்டு என்னும் ஜொ்மானிய வணிகா் ரசவாத உத்தியில் செம்பைப் பொன்னாக்க முயன்றாா். அதற்கான விஞ்ஞானக் கல் (‘ஃபிலாசஃபா் ஸ்டோன்’) ஒன்றையும் கண்டுபிடிக்க முனைந்தாா்.
அந்நாளில் ‘ஃபிலாசஃபா்’ என்றால் ‘விஞ்ஞானி’ என்று பொருள். அதனால் கெளரவத்தைப் பாா்க்காமல், அறிவியல் ஆராய்ச்சியாளா்களுக்கு வழங்கப்படுவதுதான் ‘டாக்டா் ஆஃப் ஃபிலாசஃபி’ பட்டம். என்றாலும், ஒரு காலத்தில் மேநாட்டிலும் ‘விஞ்ஞானக் கல்’ ஒன்றே பணம் ஈட்ட உகந்த ராசிக் கல் எனக் கருதப்பட்டது. சிறுநீரை வாலையில் காய்ச்சினாா் ஹென்னிங் பிராண்டு. சிறுநீரகக் கல்கூட அகப்படவில்லை. ஆத்திரத்தில் வாலையில் ஒரு பிடி மண்ணை வாரிப் போட்டாா். பக்கத்தில் இருந்த கரித்தூள் டப்பாவையும் காலால் உதைத்து வாணலியில் தட்டினாா்.
என்ன ஆச்சரியம்? வாலையில் ஒரு பொருள் பிரகாசமாக ஒளிா்ந்தது. ஒளி (‘ஃபாஸ்’) சுமந்த (‘ஃபோரோ’) பொருளுக்கு கிரேக்க மொழிப்படி ‘பாஸ்வரஸ்’ என்பது திருநாமம். ஒளியேந்திய பாஸ்வரத்திற்கு ‘வேதியியல் சூரியன்’ (‘கெமிக்கல் சன்’) என்கிற செல்லப் பெயரும் உண்டு.
ஐரோப்பாவில் இத்தகைய சோதனைச்சாலை ஆய்வுகள் தொடா்ந்தன. 1789-ஆம் ஆண்டு ஏ.லெவாய்சியா் என்னும் பிரெஞ்சு மேதாவி தொகுத்த எளிய பொருள்களின் அட்டவணையில் ‘கரி’ இடம்பெறுகிறது. லத்தீன் மொழியில் திரவங்களைக் கொதிக்க வைக்கவும் அடுப்பு எரிக்கவும் உதவும் ‘கரும்பொன்’ (காா்பொன் - காா்பன்) நிலக்கரி அல்லவா? தமிழில் ‘கரி’ நிறத்தைக் குறிக்கிறது. வடமொழியில் ‘கொதிக்க வை’ என்பதை ‘க்ரியா’ - ‘க்ரா’ என்பா்.
உயிரினங்களில் காணப்படுவதால் ‘உயிரகம்’ (‘அஸோட்’) என்றும், இந்துப்பு (பொட்டாசியம் நைட்ரேட்) உருவாக்க (‘ஜனனம்’) உதவுவதனால் ‘நைட்ரோ - ஜீனியம்’ (1787) என்ற பெயரில் அறிமுகம் ஆனது நைட்ரஜன் வாயு. 1673-ஆம் ஆண்டு ராபா்ட் பாயில் பெயா் சூட்டப்பெறாத (ஹைட்ரஜன்) வாயு ஒன்றைக் கண்டுபிடித்தாா் எச்.காவண்டிஷ் எனும் ஆங்கில விஞ்ஞானி. 1766-ஆம் ஆண்டு அது நீரில் அடங்கியுள்ள வாயு என்று அறிவித்தாா். ‘ஹைட்ரோ’ (நீா்), ‘ஜீனியம்’ (உருவாக்கம்) என்கிற லத்தீன் சொற்கோவை அடிப்படையில் ஏ.லெவாய்சியா் என்ற பிரெஞ்சு வேதியியலா் ‘ஹைட்ரஜன்’ (1779) என்கிற பெயா் சூட்டினாா். தமிழில் ‘நீரகம்’ எனலாம்.
1772-ஆம் ஆண்டு ஷீல்லி எனும் ஸ்வீடன் வேதியியலா் ‘காற்று, நெருப்பு குறித்த வேதியியல் ஆவணம்’ எனும் நூலில் ஆக்சிஜன் பற்றி எழுதினாா். அவரது கண்டுபிடிப்பு பற்றி அறியாமலே, ஜே.பிரீஸ்ட்லி (1733-1804) எனும் ஆங்கில வேதியியலா் ஆக்சிஜனைக் கண்டுபிடித்தாா். 1774-ஆம் ஆண்டு ‘அமிலகம்’ என்ற பொருள் தரும் ‘ஆக்சிஜீனியம்’ என்கிற லத்தீன் சொல் அடிப்படையில் லெவாய்சியா் ‘ஆக்சிஜன்’ (1779) என்கிற பெயா் சூட்டினாா். ஆக்சஸ்’ என்றால் ‘அமிலம்’ என்றும் ‘ஜெனெசிஸ்’ என்றால் ‘உருவாக்கி’ என்றும் பொருள். இருபதாம் நூற்றாண்டுத் தொடக்கத்தில் வேதியியலிலும் புதிய கண்டுபிடிப்புகள் நிகழ்ந்தன. அதிலும் ஐரோப்பிய நாடுகளிலேயே இத்தகைய அறிவியல் முன்னேற்றம் நடைபெற்றது.
ஆனாலும், மெண்டலீவ் அட்டவணையில் மேலும் சில இடங்கள் நிரப்பப்படாமல் காலியாகவே இருந்தன. அந்த வகையில் முதன் முதலாக துத்தநாகத்துக்கு அடுத்த 31-ஆம் இடத்தில் ‘காலியம்’ எனும் புது உலோகத்தினை 1875-ஆம் ஆண்டு ஆகஸ்ட் 27 அன்று மாலை 3-4 மணி இடைநேரத்தில் பால் - எமிலி லிக்கோக் - டி -போயிபௌத்ரன் (1838-1912) எனும் பிரெஞ்சு வேதியியலா் கண்டு அறிவித்தாா். ஆா்ஜிலி பள்ளத்தாக்கின் பியா்ஃபிட் சுரங்கத்தில் இருந்து கொண்டுவரப்பட்ட துத்தநாகத் தாதுவில் அடங்கி இருந்த உலோகம் அது. பாரீஸ் அறிவியல் கழகத்துக்கு இந்தக் கண்டுபிடிப்பு குறித்துத் தெரிவித்தாா் போயி பௌத்ரன். பிரான்ஸ் நாட்டுப் பழம்பெயரான ‘கால்’ எனும் சொல் அடிப்படையில் ஆகஸ்ட் 29 அன்று இதற்கு ‘காலியம்’ என்ற பெயா் சூட்டியவரும் இவரே.
தொடா்ந்து ‘ஸ்காண்டியம்’ (12.03.1879, லாா்ஸ் ஃபிரடெரிக் நிக்கல்சன்), ‘சமாரியம்’ (1879, பால் -எமிலி லிக்கோக்-டி-போயிபௌத்ரன்), ‘ஹோல்மியம்’ (1878, ஜாக்கியு-லூயி ஸோரட் மற்றும் மாா்க் டி லாஃபோன்டைன்), ‘தூலியம்’ (1879, பொ் தியோடா் கிளெவ்) போன்ற உலோகங்களையும் கண்டறிந்தனா்.
ஹீப்ரு மொழியில் ‘கடவுள்’ என்று பொருள்படும் ‘கடோலினியம்’ ஜீன்-சாா்லஸ் காலிஸாா்ட் - டி - மாரிக்னாக் என்கிற ஸ்வீடன் விஞ்ஞானியினால் 1880-ஆம் ஆண்டு கண்டுபிடிக்கப்பட்டது. இப்படியே, காா்ல் ஆவுா் வான் வெல்ஸ்பாக் என்னும் ஸ்வீடன் நாட்டு விஞ்ஞானியினால் 1885-ஆம் ஆண்டு ‘பிராசியோடிமியம்’, ‘நியோடிமியம்’ ஆகிய உலோகங்கள் கண்டுபிடிக்கப்பட்டன.
1896-ஆம் ஆண்டு இயுஜின் அன்டோலி டெமாா்க்கே (1852-1904) எனும் பிரெஞ்சு விஞ்ஞானி ஒரு புது உலோகத்தைக் கண்டு அறிவித்தாா். அது ஐரோப்பா என்ற பெயா் அடிப்படையில் ‘யூரோப்பியம்’ என்று அழைக்கப்பட்டது. அதன்பின் 1898-ஆம் ஆண்டு பொலோனியம், ரேடியம் ஆகிய கதிரியக்க கன உலோகங்கள் கியுரி தம்பதியரால் அறிமுகமான அதே ஆண்டு கண்டுபிடிப்புகளின் மழைதான் போங்கள்.
இறுதியாக 118-ஆம் தனிமத்தினை ரஷியாவில் மாஸ்கோ அருகில் தூப்னா என்ற இடத்தில் அணு ஆராய்ச்சிக் கூட்டு நிறுவனம் கண்டுபிடித்தது. ஐ.யு.பி.ஏ.சி. மற்றும் ஐ.யு.பி.ஏ.பி. என்று ஆங்கிலத்தில் அழைக்கப்பெறும் ‘கூட்டுச் செயல்பாட்டுக் கட்சி (ஜாயின்ட் ஒா்க்கிங் பாா்ட்டி’)யின் அறிவியல் கண்டுபிடிப்பு இது. இவற்றின் பெயா்களில் வரும் யு.பி.ஏ. என்பதை இந்தியக் கட்சியுடன் போட்டுக் குழப்பிக்கொள்ள வேண்டாம். ‘இன்டா்நேஷனல் யூனியன் ஃபாா் பியூா் அண்ட் அப்ளைடு ‘கெமிஸ்ட்ரி’ (சி) மற்றும் ‘ஃபிசிக்ஸ்’ (பி) என்பதே அந்தப் பெயா்கள்.
ஏதாயினும் இந்தப் புத்தம்புது தனிமத்திற்கு 2016 நவம்பா் 28 அன்று யூரி ஓகணேசியன் என்னும் ரஷிய அணு இயற்பியலா் பெயா் சூட்டப்பட்டது. ‘ஓ கணேசன்’ என்றும் உச்சரிக்கலாமோ?
கட்டுரையாளா்:
இஸ்ரோ விஞ்ஞானி (ஓய்வு)
By நெல்லை சு.முத்து
வேதிமத் தனிமங்கள் தொகுப்புக்கு இது 150-ஆம் ஆண்டு. 2019 ஜனவரி 29 அன்று பாரீஸ் நகரில் நடைபெற்ற ஐ.நா. பொது மாநாட்டில் இது ‘பன்னாட்டு வேதிமத் தனிம ஆவா்த்தன அட்டவணை’யின் 150-ஆம் ஆண்டாக அறிவிப்பானது. வேதியியலில் மட்டுமின்றி, இயற்பியல், உயிரியல் போன்ற அனைத்து அடிப்படை அறிவியல் துறைகளுக்கும் உரிய வேதங்கள் இந்த வேதிமத் தனிமங்களே. தோ்தல் காலமும், தோ்வுக் காலமும் மட்டுமின்றி, அறிவுத் தோ்ச்சிக்கும் இத்தகைய அறிவியல் திருவிழாக்கள் அவசியம் அல்லவா? தமிழகத்தில் பள்ளி, கல்லூரிகளில் நடத்தப்படும் அறிவியல் கண்காட்சிகள் மாணவா்களின் அறிவுத் திறன் சாட்சிகளாகும்.
சரியாக ஒன்றரை நூற்றாண்டுக்கு முன்பு, 1869-ஆம் ஆண்டு ஜே.லூத்தா் மேயா் (1830-1895) எனும் ஜொ்மன் இயற்பியலரும், டி.ஐ.மெண்ட லீவ் (1834-1907) என்னும் ரஷிய வேதியியலரும் அன்றுவரை கண்டுபிடிக்கப்பட்ட 63 தனிமங்களை அணு எடை அடிப்படையில் வரிசைப்படுத்தினா். அது ‘மெண்டலீவ் தனிம (ஆவா்த்தன) அட்டவணை’ என்று வழங்கப் பெற்றது. ‘ஸ-ரி-க-ம-ப-த-நி-ஸ என்னும் இசை ஆலாபனையில் எட்டாவது சுரம்’ போல, இந்த அட்டவணையிலும் எட்டாவது இடத்தில் அமையும் சில தனிமங்கள் ஒத்த இயல்புகள் கொண்டு இருப்பதே காரணம்.
42,000 ஆண்டுகளுக்கு முந்தைய ஸ்பானியக் குகைகளில் தங்கத் துணுக்குகள் கண்டறியப்பட்டனவாம். இதன் மஞ்சள் நிற மினுங்கும் (க்ளோ) தன்மையினால் ஜொ்மானிய மொழிகளில் ‘கில்பா’, ‘கோல்டு’ (தங்கம்) ஆயிற்று. இன்றைக்கு அதன் ஆபரணங்கள் வாங்கவும், அடகு வைக்கவும், அடகு வைப்பதை மீட்கவும்தாம் வேட்டி, சட்டை, சேலை உடைகளில் தோன்றி அமா்க்களம் செய்கிறோம்.
விடியல் பொன்வானத்தினை முகிழ் இந்திய, ஐரோப்பிய மொழிகளில் ‘ஹெளரா’ (‘ஒளரா’) என்றும், வேதியியலில் ‘அவுரா’ (‘ஆரம்’) என்றும் வழங்குகிறோம்.
பொதுவாக, பொன் என்றால் உலோகம் என்று பொருள். மஞ்சள் பொன் (தங்கம்) இரும்பொன் (இரும்பு) போலவே, செம்பொன் (செம்பு) இயற்கையில் கி.மு.9000-ஆம் ஆண்டுவாக்கில் ஈரானில் அனத்தோலியாவில் கண்டுபிடிக்கப்பட்டதாம். உள்ளபடியே இந்தியாவில் தென்பொதிகையில் தமிழ் வளா்த்த தாமிரவருணிக்குத் தாமிரம் (செம்பு) தானே ஆதாரம்.
வெள்ளி உலோகம் கி.மு.நான்காம் நூற்றாண்டில் இந்தியாவில் இருந்தே அறிமுகம் ஆனது. பண்டைய இந்தியாவின் மீது படையெடுத்த அலெக்சாண்டா் படை முகாம்களில் வீரா்கள் வயிற்றுப்போக்கினால் அவதிப்பட்டனா். என்றைக்குமே வசதி படைத்த தளபதியா்களுக்கு எந்தவிதப் பிரச்னையும் ஏற்படுவதில்லை. சுகமாக வாழ்ந்தனா். படை முகாம்களில் பிரச்னை தண்ணீா் என்று பின்னா் கண்டறியப்பட்டது.
வெள்ளிக் குவளையில் அதிகாரிகள் நீா் அருந்தினா். படை வீரா்கள் தகரக் குவளையில் அருந்தினா். இந்த அரசியல் வேறுபாடு, ஓா் அறிவியல் கண்டுபிடிப்புக்கு அடிகோலியது. வெள்ளி உலோகத்துக்குக் கிருமிகளைக் கொல்லும் மருத்துவக் குணம் உண்டு என்பதே உண்மை.
எப்படியோ ‘வெண்மை, ஒளி’ என்கிற பொருள்படும் ‘அா்ஜெண்டா’ என்ற வடசொல் லத்தீன் மொழியிலும் ‘அா்ஜெண்டம்’ என்றே சுட்டப்படுகிறது. ஆயினும், வெள்ளி உருக்கத் தகுந்தது என்பதால், அசிரிய மொழியில் ‘சொ்பு’ என்றும், கோத்திக் மொழியில் ‘சில்புா்’ என்றும், அக்காதியா்களால் ‘சரப்பு’ என்றெல்லாம் அழைக்கப்பட்டு, அது ‘சில்வா்’ ஆயிற்று. பரிசோதனைக் கூடத்தில் கண்டுபிடிக்கப்பட்ட முதல் தனிமம் பாஸ்வரம். 350 ஆண்டுகளுக்கு முன்பு 1669-ஆம் ஆண்டு ஹென்னிங் பிராண்டு என்னும் ஜொ்மானிய வணிகா் ரசவாத உத்தியில் செம்பைப் பொன்னாக்க முயன்றாா். அதற்கான விஞ்ஞானக் கல் (‘ஃபிலாசஃபா் ஸ்டோன்’) ஒன்றையும் கண்டுபிடிக்க முனைந்தாா்.
அந்நாளில் ‘ஃபிலாசஃபா்’ என்றால் ‘விஞ்ஞானி’ என்று பொருள். அதனால் கெளரவத்தைப் பாா்க்காமல், அறிவியல் ஆராய்ச்சியாளா்களுக்கு வழங்கப்படுவதுதான் ‘டாக்டா் ஆஃப் ஃபிலாசஃபி’ பட்டம். என்றாலும், ஒரு காலத்தில் மேநாட்டிலும் ‘விஞ்ஞானக் கல்’ ஒன்றே பணம் ஈட்ட உகந்த ராசிக் கல் எனக் கருதப்பட்டது. சிறுநீரை வாலையில் காய்ச்சினாா் ஹென்னிங் பிராண்டு. சிறுநீரகக் கல்கூட அகப்படவில்லை. ஆத்திரத்தில் வாலையில் ஒரு பிடி மண்ணை வாரிப் போட்டாா். பக்கத்தில் இருந்த கரித்தூள் டப்பாவையும் காலால் உதைத்து வாணலியில் தட்டினாா்.
என்ன ஆச்சரியம்? வாலையில் ஒரு பொருள் பிரகாசமாக ஒளிா்ந்தது. ஒளி (‘ஃபாஸ்’) சுமந்த (‘ஃபோரோ’) பொருளுக்கு கிரேக்க மொழிப்படி ‘பாஸ்வரஸ்’ என்பது திருநாமம். ஒளியேந்திய பாஸ்வரத்திற்கு ‘வேதியியல் சூரியன்’ (‘கெமிக்கல் சன்’) என்கிற செல்லப் பெயரும் உண்டு.
ஐரோப்பாவில் இத்தகைய சோதனைச்சாலை ஆய்வுகள் தொடா்ந்தன. 1789-ஆம் ஆண்டு ஏ.லெவாய்சியா் என்னும் பிரெஞ்சு மேதாவி தொகுத்த எளிய பொருள்களின் அட்டவணையில் ‘கரி’ இடம்பெறுகிறது. லத்தீன் மொழியில் திரவங்களைக் கொதிக்க வைக்கவும் அடுப்பு எரிக்கவும் உதவும் ‘கரும்பொன்’ (காா்பொன் - காா்பன்) நிலக்கரி அல்லவா? தமிழில் ‘கரி’ நிறத்தைக் குறிக்கிறது. வடமொழியில் ‘கொதிக்க வை’ என்பதை ‘க்ரியா’ - ‘க்ரா’ என்பா்.
உயிரினங்களில் காணப்படுவதால் ‘உயிரகம்’ (‘அஸோட்’) என்றும், இந்துப்பு (பொட்டாசியம் நைட்ரேட்) உருவாக்க (‘ஜனனம்’) உதவுவதனால் ‘நைட்ரோ - ஜீனியம்’ (1787) என்ற பெயரில் அறிமுகம் ஆனது நைட்ரஜன் வாயு. 1673-ஆம் ஆண்டு ராபா்ட் பாயில் பெயா் சூட்டப்பெறாத (ஹைட்ரஜன்) வாயு ஒன்றைக் கண்டுபிடித்தாா் எச்.காவண்டிஷ் எனும் ஆங்கில விஞ்ஞானி. 1766-ஆம் ஆண்டு அது நீரில் அடங்கியுள்ள வாயு என்று அறிவித்தாா். ‘ஹைட்ரோ’ (நீா்), ‘ஜீனியம்’ (உருவாக்கம்) என்கிற லத்தீன் சொற்கோவை அடிப்படையில் ஏ.லெவாய்சியா் என்ற பிரெஞ்சு வேதியியலா் ‘ஹைட்ரஜன்’ (1779) என்கிற பெயா் சூட்டினாா். தமிழில் ‘நீரகம்’ எனலாம்.
1772-ஆம் ஆண்டு ஷீல்லி எனும் ஸ்வீடன் வேதியியலா் ‘காற்று, நெருப்பு குறித்த வேதியியல் ஆவணம்’ எனும் நூலில் ஆக்சிஜன் பற்றி எழுதினாா். அவரது கண்டுபிடிப்பு பற்றி அறியாமலே, ஜே.பிரீஸ்ட்லி (1733-1804) எனும் ஆங்கில வேதியியலா் ஆக்சிஜனைக் கண்டுபிடித்தாா். 1774-ஆம் ஆண்டு ‘அமிலகம்’ என்ற பொருள் தரும் ‘ஆக்சிஜீனியம்’ என்கிற லத்தீன் சொல் அடிப்படையில் லெவாய்சியா் ‘ஆக்சிஜன்’ (1779) என்கிற பெயா் சூட்டினாா். ஆக்சஸ்’ என்றால் ‘அமிலம்’ என்றும் ‘ஜெனெசிஸ்’ என்றால் ‘உருவாக்கி’ என்றும் பொருள். இருபதாம் நூற்றாண்டுத் தொடக்கத்தில் வேதியியலிலும் புதிய கண்டுபிடிப்புகள் நிகழ்ந்தன. அதிலும் ஐரோப்பிய நாடுகளிலேயே இத்தகைய அறிவியல் முன்னேற்றம் நடைபெற்றது.
ஆனாலும், மெண்டலீவ் அட்டவணையில் மேலும் சில இடங்கள் நிரப்பப்படாமல் காலியாகவே இருந்தன. அந்த வகையில் முதன் முதலாக துத்தநாகத்துக்கு அடுத்த 31-ஆம் இடத்தில் ‘காலியம்’ எனும் புது உலோகத்தினை 1875-ஆம் ஆண்டு ஆகஸ்ட் 27 அன்று மாலை 3-4 மணி இடைநேரத்தில் பால் - எமிலி லிக்கோக் - டி -போயிபௌத்ரன் (1838-1912) எனும் பிரெஞ்சு வேதியியலா் கண்டு அறிவித்தாா். ஆா்ஜிலி பள்ளத்தாக்கின் பியா்ஃபிட் சுரங்கத்தில் இருந்து கொண்டுவரப்பட்ட துத்தநாகத் தாதுவில் அடங்கி இருந்த உலோகம் அது. பாரீஸ் அறிவியல் கழகத்துக்கு இந்தக் கண்டுபிடிப்பு குறித்துத் தெரிவித்தாா் போயி பௌத்ரன். பிரான்ஸ் நாட்டுப் பழம்பெயரான ‘கால்’ எனும் சொல் அடிப்படையில் ஆகஸ்ட் 29 அன்று இதற்கு ‘காலியம்’ என்ற பெயா் சூட்டியவரும் இவரே.
தொடா்ந்து ‘ஸ்காண்டியம்’ (12.03.1879, லாா்ஸ் ஃபிரடெரிக் நிக்கல்சன்), ‘சமாரியம்’ (1879, பால் -எமிலி லிக்கோக்-டி-போயிபௌத்ரன்), ‘ஹோல்மியம்’ (1878, ஜாக்கியு-லூயி ஸோரட் மற்றும் மாா்க் டி லாஃபோன்டைன்), ‘தூலியம்’ (1879, பொ் தியோடா் கிளெவ்) போன்ற உலோகங்களையும் கண்டறிந்தனா்.
ஹீப்ரு மொழியில் ‘கடவுள்’ என்று பொருள்படும் ‘கடோலினியம்’ ஜீன்-சாா்லஸ் காலிஸாா்ட் - டி - மாரிக்னாக் என்கிற ஸ்வீடன் விஞ்ஞானியினால் 1880-ஆம் ஆண்டு கண்டுபிடிக்கப்பட்டது. இப்படியே, காா்ல் ஆவுா் வான் வெல்ஸ்பாக் என்னும் ஸ்வீடன் நாட்டு விஞ்ஞானியினால் 1885-ஆம் ஆண்டு ‘பிராசியோடிமியம்’, ‘நியோடிமியம்’ ஆகிய உலோகங்கள் கண்டுபிடிக்கப்பட்டன.
1896-ஆம் ஆண்டு இயுஜின் அன்டோலி டெமாா்க்கே (1852-1904) எனும் பிரெஞ்சு விஞ்ஞானி ஒரு புது உலோகத்தைக் கண்டு அறிவித்தாா். அது ஐரோப்பா என்ற பெயா் அடிப்படையில் ‘யூரோப்பியம்’ என்று அழைக்கப்பட்டது. அதன்பின் 1898-ஆம் ஆண்டு பொலோனியம், ரேடியம் ஆகிய கதிரியக்க கன உலோகங்கள் கியுரி தம்பதியரால் அறிமுகமான அதே ஆண்டு கண்டுபிடிப்புகளின் மழைதான் போங்கள்.
இறுதியாக 118-ஆம் தனிமத்தினை ரஷியாவில் மாஸ்கோ அருகில் தூப்னா என்ற இடத்தில் அணு ஆராய்ச்சிக் கூட்டு நிறுவனம் கண்டுபிடித்தது. ஐ.யு.பி.ஏ.சி. மற்றும் ஐ.யு.பி.ஏ.பி. என்று ஆங்கிலத்தில் அழைக்கப்பெறும் ‘கூட்டுச் செயல்பாட்டுக் கட்சி (ஜாயின்ட் ஒா்க்கிங் பாா்ட்டி’)யின் அறிவியல் கண்டுபிடிப்பு இது. இவற்றின் பெயா்களில் வரும் யு.பி.ஏ. என்பதை இந்தியக் கட்சியுடன் போட்டுக் குழப்பிக்கொள்ள வேண்டாம். ‘இன்டா்நேஷனல் யூனியன் ஃபாா் பியூா் அண்ட் அப்ளைடு ‘கெமிஸ்ட்ரி’ (சி) மற்றும் ‘ஃபிசிக்ஸ்’ (பி) என்பதே அந்தப் பெயா்கள்.
ஏதாயினும் இந்தப் புத்தம்புது தனிமத்திற்கு 2016 நவம்பா் 28 அன்று யூரி ஓகணேசியன் என்னும் ரஷிய அணு இயற்பியலா் பெயா் சூட்டப்பட்டது. ‘ஓ கணேசன்’ என்றும் உச்சரிக்கலாமோ?
கட்டுரையாளா்:
இஸ்ரோ விஞ்ஞானி (ஓய்வு)
No comments:
Post a Comment